Mjólkursýruþröskuldur: 3,89 m/sek (14,0 km/klst) á hlaupabretti
Hjartsláttartíðni við mjólkursýrþröskuld: 150 slög/mín
Staða á BORG-skala við mjólkursýruþröskuld: 14
Mjólkursýruþröskuldur (MSÞ) er skilgreindur sem sú mesta ákefð sem líkaminn getur framkvæmt án nettó loftfirrtrar vinnu og þar af leiðandi án uppsöfnunar úrgangsefna eins og mjólkursýru.
Í þessu prófi er miðað við 0,4 mM mjólkursýruþröskuld í blóðvökva.
MSÞ hefur ágætis forspárgildi varðandi árangur í úthaldsgreinum eins og langhlaupum og maraþonhlaupi. Samkvæmt skilgreiningu á að vera hægt að hlaupa “endalaust” á hraða eða púls sem er undir MSÞ. Reyndin er hins vegar sú að t.d. maraþonhlauparar eru yfirleitt vel undir þröskuldinum (mjólkursýran í blóði ca. 2-3 mM). Hins vegar í 10 km keppnishlaupi eru menn yfirleitt að hlaupa rétt yfir MSÞ (púls ca 2-5 slög yfir og hraðinn 0,2-0,5 m/s hærri). Oft er MSÞ notaður til að skipuleggja þjálfun. Ekki eru þó allir sammála um hvernig því skal nákvæmlega háttað og fleiri ein kenning í gangi varðandi það. Gróflega ætti þó flestir að geta verið sammála um eftirfarandi.
1) Þegar hlaupið er langt, róleg hlaup, sem stundum eru líka kölluð „hvíldarhlaup“ eru hlaupin vel undir MSÞ.
2) Æfingar sem sérstakalega miða að því að hækka MSÞ, lengri interval hlaup (> 2 mín lotan) og svokölluð „tempó-hlaup“ skulu hlaupin alveg við eða aðeins yfir MSÞ.
3) Æfingar sem miða að því að auka hraða eða hámarkssúrefnis upptöku skal hlaupa vel yfir MSÞ og þá oftast í stuttum lotum (stuttir „interval“ sprettir).
BORG-skalinn er sjálfsmat á áreynslu einstaklingsins og er frá 6 og upp í 20. Gildið 6 stendur fyrir algjöra hvíld en 20 er mesta áreynsla sem einstaklingurinn hefur upplifað.
Þoltala (VO2 max): 50,3
Hámarkssúrefnisupptaka eða þoltala (VO2 max) er mesta súrefnisupptaka í ml á mínútu per kg líkamsþyngdar. Þ.e. hámarksmagn súrefnis sem líkaminn innbyrðir við hámarksáreynslu. Þoltalan segir til um hversu vel viðkomandi getur komið súrefni til vöðvafrumanna og niðurbrotsefnum frá þeim. Almennt er talið að þoltalan sé besta fáanlega mælieiningin á líkamsúthald og er því oft talað um hana sem hinn gullna staðal í að meta líkamshreysti og þrek.
| Aldur | 15-17 | 18-23 | 24-29 | 30-39 | 40-49 | 50-59 |
| Mjog léleg þjálfun | <32 | <31 | <30 | <27 | <24 | <21 |
| Léleg þjálfun | 33-39 | 32-38 | 31-36 | 28-34 | 25-30 | 22-7 |
| Undir meðaltali | 40-46 | 39-43 | 37-42 | 35-39 | 31-35 | 28-32 |
| Í meðallagi | 47-52 | 44-51 | 43-48 | 40-45 | 36-40 | 33-36 |
| Góð þjálfun | 53-58 | 52-57 | 49-54 | 46-49 | 41-45 | 37-39 |
| Mjög góð þ | 59-64 | 58-63 | 55-59 | 50-56 | 46-48 | 40-44 |
| Frábær þjálfun | >65 | >64 | >60 | >57 | >49 | >45 |
Flokkun á þoltölum karlmanna eftir aldri.
Þar sem maður er nýorðinn 51 árs og slapp með naumindum inn í prófið er ekki annað hægt en að vera kátur með þetta.
